'काकस्पर्श'च्या निमित्ताने मराठी चित्रपटाच्या कॉफीटेबल बुकची ही पहिलीच निर्मिती आहे. या चित्रपटाशी निगडीत छायाचित्र, चित्रीकरणादरम्यानच्या घटना, गमतीजमती, कलाकारांच्या मुलाखती आणि चित्रपट करताना आलेले अनुभव यात मांडण्यात आले आहेत. याप्रसंगी 'श्यामची आई' आणि 'बुद्धीबळ' या दोन आगामी चित्रपटांची घोषणा करण्यात आली.
ग्रेट मराठा एण्टरटेनमेंट एल.एल. पी प्रस्तुत मेधा मांजरेकर, अनिरुद्ध देशपांडे यांची निर्मित आणि महेश मांजरेकर दिग्दर्शित काकस्पर्शाची कथा उषा दातार यांची आहे. गिरीष जोशी यांनी आपल्या लेखन कौशल्याने पटकथा- संवादरुपात उत्तमरित्या साधले आहे. पारंपरिक गीतांसोबतच किशोर कदम यांच्या गीतांना राहुल रानडे आणि अजित समीर यांनी संगीत दिले आहे. कलादिग्दर्शक प्रशांत राणे आणि अभिषेक यांनी चित्रपटाच्या मागणीनुसार सधारणतः ५० वर्षापूर्वीचा काळ तंतोतंत उभारण्याचा प्रयत्न केला आहे.
No comments:
Post a Comment