तीन पिढ्यांचा संदर्भ असलेली, आंतरराष्ट्रीय राजकीय- सामाजिक पटलावर उलगडणारी ‘लॉक ग्रिफिन’ ही वसंत लिमये यांची उत्कंठावर्धक कादंबरी नुकतीच ग्रंथाली प्रकाशनतर्फे प्रसिद्ध करण्यात आली. राजकारणाच्या पार्श्वभूमीवर रंगलेली ही मराठी कादंबरी प्रथमच मोठ्या कॅनव्हासवर मांडण्यात आली असून या कादंबरीचे प्रकाशनही आगळ्यावेगळ्या पद्धतीने करण्यात आले. अभिनेते राहुल सोलापूरकर यांनी डिटेक्टीव्हच्या भूमिकेत प्रवेश करून कादंबरीशी निगडीत असलेल्या व्यक्तींशी संवाद साधला. कादंबरीतील रहस्यमय वातावरण आणि गूढता, प्रसंगाचे गांभीर्य या सर्व बाजू आपल्या अभिनयातून साकार करत राहुल सोलापूरकर यांनी कादंबरी उलगडण्याचा अनोखा प्रयत्न यावेळी केला.
ठाण्याच्या मल्हार सिनेमाजवळील सरस्वती मंदिर क्रीडा संकुलात या कार्यक्रमाचे आयोजन करण्यात आले होते. ज्येष्ठ पत्रकार कुमार केतकर यांच्या हस्ते कादंबरीचे प्रकाशन करण्यात आले असून अभिनेते सचिन खेडेकर यांच्या हस्ते कादंबरीच्या ई- आवृतीचेही प्रकाशन यावेळी करण्यात आले. कुमार केतकर यांनी आपल्या भाषणात १९७० ते १९८४ च्या काळातील आंतरराष्ट्रीय राजकारणाचा आपल्या सामाजिक जीवनावर झालेला परिणाम आणि त्यानंतर राजीव गांधींच्या हत्येपर्यंतचा काळ श्रोत्यांसमोर उभा केला.
पावणेपाचशे पानांच्या या कादंबरीची किंमत पाचशे रुपये आहे.
ठाण्याच्या मल्हार सिनेमाजवळील सरस्वती मंदिर क्रीडा संकुलात या कार्यक्रमाचे आयोजन करण्यात आले होते. ज्येष्ठ पत्रकार कुमार केतकर यांच्या हस्ते कादंबरीचे प्रकाशन करण्यात आले असून अभिनेते सचिन खेडेकर यांच्या हस्ते कादंबरीच्या ई- आवृतीचेही प्रकाशन यावेळी करण्यात आले. कुमार केतकर यांनी आपल्या भाषणात १९७० ते १९८४ च्या काळातील आंतरराष्ट्रीय राजकारणाचा आपल्या सामाजिक जीवनावर झालेला परिणाम आणि त्यानंतर राजीव गांधींच्या हत्येपर्यंतचा काळ श्रोत्यांसमोर उभा केला.
पावणेपाचशे पानांच्या या कादंबरीची किंमत पाचशे रुपये आहे.
No comments:
Post a Comment