‘सलाम पुणे’ पुरस्कार प्रदान सोहळा

प्रख्यात उद्योजक डीएसके उर्फ दीपक सखाराम कुलकर्णी, पुण्य नगरीचे संस्थापक संपादक मुरलीधर अनंता शिंगोटे, सकाळचे राजकीय संपादक गोविंदराव घोळवे आणि सिंघम, रावडी राठोड फेम मराठी अभिनेता अशोक समर्थ यांना सलाम पुणे पुरस्कार जाहीर करण्यात आला आहे. अनाथांचा आधार असलेल्या ज्येष्ठ समाजसेविका सिंधुताई सपकाळ यांच्या हस्ते हा पुरस्कार प्रदान करण्यात येणार आहे. स्वातंत्र्यदिनाच्या पूर्वसंध्येला म्हणजेच १४ ऑगस्ट रोजी सायंकाळी ६ वाजता पुण्यातील नवी पेठ मधील एस एम जोशी फौंडेशनच्या मुख्य सभागृहात हा पुरस्कार प्रदान सोहळा आयोजित करण्यात आला आहे.
अखिल भारतीय चित्रपट महामंडळाचे अध्यक्ष प्रसाद सुर्वे तसेच चित्रपट निर्माते मेघराज राजे भोसले, जे.के. पाटील, वैभव जोशी, जगदीश उणेचा, इम्पाचे संचालक विकास पाटील, सुमित कॅसेटचे सुभाष परदेशी, हास्यकलावंत संतोष चोरडिया, संगीतकार हर्षित अभिराज, निखील महामुनी या सर्व मान्यवरांची उपस्थिती सोहळ्याला लाभणार आहे.
सलाम पुणे चे संजय लोणकर, सुभाषचंद्र जाधव, राम झोंड, श्रीकांत कुलकर्णी, राधिका कुलकर्णी, हरीश शर्मा आणि इतर पत्रकार मित्रांच्या सहकार्याने या सोहळ्याचे आयोजन केले गेले आहे.