आजकालच्या धकाधकीच्या जीवनात पालकांना आपल्या पाल्यांकडे लक्ष द्यायला पुरेसा वेळ मिळत नाही. त्याचा मुलांच्या मनावर, जीवनावर त्यांच्या एकूण व्यक्तीमत्त्वावर काय परिणाम होतो हे सांगणारं क्षितीज इंटरनॅशनल नाट्यसंस्था निर्मित 'किडनॅप' हे नवीन नाटक येत्या ५ मे ला रंगमंचावर दाखल होत आहे.
निर्माता आणि दिग्दर्शक यशवंत चौघुले 'किडनॅप' ही नवीन नाट्यकृती रसिकांच्या भेटीस घेऊन येत आहेत. 'किडनॅप' या नाटकाचे लेखन सुहास ज्ञाते यांनी केले असून प्रकाशयोजना आणि दिग्दर्शनाची बाजू कुमार सोहोनी यांनी सांभाळली आहे. ज्येष्ठ संगीतकार अशोक पत्की यांनी नाटकाला पार्श्वसंगीत दिले आहे. नेपथ्य प्रदीप पाटील यांचे असून वेशभूषा महेश शेरला यांची आहे. निर्मिती व्यवस्थेची सुत्रे श्रीकांत तटकरे यांच्याकडे सोपविण्यात आली आहेत. कुणाल लिमये, नंदिनी वैद्य-रेगे, सुहास पळशीकर आणि बालकलाकार ओवी दिक्षीत या सगळ्यांचा दमदार अभिनय या नाटकात पहायला मिळणार आहे. अभिनेता सुहास पळशीकर हे बर्याच वर्षाच्या कालावधीनंतर 'किडनॅप' या नाटकातून रंगमंचावर पुन्हा पदार्पण करीत आहेत.
कौटुंबिक थरार मांडणारं 'किडनॅप' हे नाटक ५ मेला प्रेक्षकांच्या भेटीला येत आहे
No comments:
Post a Comment