नावातले 'घोटाळे' बदलण्यासाठी सोनाली (SONALI) कुलकर्णी बनणार सोनाली (SONALEE).

नावात किंवा आडनावात साघर्म्य असू शकतं पण नाव आणि आडनाव दोन्ही सारखं असल्याने लोकांपर्यंत पोहचण्यास अडथळा येऊ शकतो. मराठी चित्रपट सृष्टीत एक सोनाली कुलकर्णी प्रसिद्ध होती आणि आहे पण 'बकुळा नामदेव घोटाळे' या केदार शिंदेच्या चित्रपटाने या चित्रपटसृष्टीला आणखी एक सोनाली कुलकर्णी दिली. त्यामुळे आधीच्या सोनाली कुलकर्णीला 'दिल चाहता है' फेम सोनाली कुलकर्णी आणि दुसर्‍या सोनाली कुलकर्णीला 'बकुळा नामदेव घोटाळे' फेम सोनाली कुलकर्णी म्हणून ओळखू लागले. 

सोनाली कुलकर्णी नाव जरा जास्त वेळा वापरल्याने तुम्ही पण गोंधळलात ना? पण आता हा गोंधळ संपणार आहे. कारण आता 'बकुळा नामदेव घोटाळे' फेम सोनाली कुलकर्णी आपलं नाव फक्त सोनाली लावणार आहे. एवढचं नाही तर ती म्हणे नावाचं स्पेलिंगसुद्धा SONALI च्या ऐवजी SONALEE करणार आहे. . . . असो.... तिचा महत्त्वपूर्ण भूमिका असलेला 'नटरंग' हा चित्रपट १ जानेवारीला प्रदर्शित झाला आहे. नवीन वर्षाची सुरुवात एवढी छान झाल्यावर वर्ष पण झक्कास असेल यात काही शंका नाही. पण नावातला हा बदल सुद्धा फायद्याचा ठरावा....