'सौभाग्य माझे दैवत' मध्ये नम्रता गायकवाडचे तांडव नृत्य.

शिव साई प्रॉडक्शन आणि अरुण गिरे यांची निर्मिती असलेला 'सौभाग्य माझं दैवत' या मराठी चित्रपटात नम्रता गायकवाड प्रमुख नायिकेची भूमिका साकारत आहे. 

या चित्रपटात तिच्यावर एक बेफाम असे तांडव नृत्य चित्रीत करण्यात आले आहे. या नृत्याचे श्रेय ती देते नृत्य दिग्दर्शक अनिल सुतार यांना. कारण त्यांनी घेतलेल्या मेहनत आणि त्यांच्या प्रयत्नांमुळेच ती हे तांडव नृत्य साकारु शकली असं ती सांगते. 

हे तांडव नृत्य साकारण्यासाठी तिने माधुरी दिक्षित, श्रीदेवी आणि जयाप्रदा यांच्या ज्या चित्रपटात त्यांनी तांडव नृत्य साकारले आहे ते चित्रपट पुन्हा पुन्हा पाहिले असल्याच तिने सांगितलं त्यामुळे या नृत्याच श्रेय या तिघींनासुद्धा देते आणि या चित्रपटासाठी तिची निवड करुन हि संधी दिल्याबद्दल निर्माते अरुण गिरे यांचे ती आभार मानते.