'स्टार प्रवाह' वर २४ जानेवारीपासून नवी मालिका 'मांडला दोन घडीचा डाव'

दोन बहिणींच्या नाजूक नाते आणि छोटया बहिणीसाठी मोठी बहिण कशी नेहमीच आपल्या आवडीनिवडीचा त्याग करते ते हळूवारपणे उलगडणारी नवी मालिका 'मांडला दोन घडीचा डाव' स्टार प्रवाहवर २४ जानेवारीपासून दर सोमवार ते शनिवार रात्री ९.३० वाजता सुरु होत आहे. 

नमिता वर्तक यांच्या 'फार्म फिल्म प्रॉडक्शन्स'ची निर्मिती असलेल्या या मालिकेचे दिग्दर्शन लोकप्रिय आणि नावाजलेले दिग्दर्शक मंगेश कंथाळे यांनी केले आहे. 

या मालिकेत स्मिता शेवाळे, अनुजा साठे आणि सौरभ गोखले यांच्या या मालिकेत प्रमुख भूमिका आहेत.  ही कथा ह्या तिघांभोवती, त्यांची गुंतागुंतीची नाती, त्यांच्या आयुष्यातील चढउतार यांच्याभोवती गुंफलेली आहे.