'देऊळ' पूर्णत्त्वाच्या मार्गावर.

दिलीप प्रभावळर, नाना पाटेकर आणि नसिरुद्दीन शाह एकत्रित काम करत असलेला चित्रपट 'देऊळ' सध्या चर्चेत आहे.  यांच्याशिवाय सोनाली कुलकर्णी, डॉ. मोहन आगाशे, उषा नाडकर्णी, किशोर कदम, विभावरी देशपांडे, ॠषिकेश जोशी, अतिशा नाईक, श्रीकांत यादव यांच्यासुद्धा या चित्रपटात महत्त्वपूर्ण भूमिका आहेत. 

प्रसिद्ध कला दिग्दर्शक नितीन देसाई यांनी या चित्रपटातील गाण्यांसाठी सातारा जिल्ह्यातील वाठार येथे खास सेट उभारले आहेत. स्वानंद किरकिरे या गाण्यांचे गीतकार आहेत. या चित्रपटातील महत्त्वाच्या दृष्यांचे चाळीस दिवसांचे चित्रीकरण सत्र नुकतेच पूर्ण झाले. गिरीश कुलकर्णी लिखित आणि उमेश कुलकर्णी दिग्दर्शित हा चित्रपट ऑगस्टमध्ये प्रदर्शित होणार आहे.