२३ मार्चला मुंबई आणि ठाण्याच्या चित्रपटगृहात 'भानामती'.

अंधश्रद्धेबद्दलच्या भीतीचा फायदा घेऊन स्वतःचा स्वार्थ साधणाऱ्या काही पुढार्‍यांची कथा आता प्रेक्षकांना बघायला मिळणार आहे. घुमटकर फिल्म कंपनी प्रस्तुत आणि जयप्रकाश घुमटकर निर्मित-दिग्दर्शित 'भानामती' हा चित्रपट येत्या २३ मार्चला मुंबई आणि ठाण्यामध्ये प्रदर्शित होत आहे.

प्रेमाकिरण, अनंत जोग यांसोबतच रवी पटवर्धन ,याकुब सईद, सुनील गोडबोले, अनिकेत केळकर, दीपज्योती, किरण पिसे, दिपक दळवी, डॉ. प्रमोद नलावडे, डॉ. शशिकांत डोईफोडे, गणेश शिंदे आणि प्रा. जयप्रकाश घुमटकर यांच्या 'भानामती' या चित्रपटात महत्वाच्या भूमिका पहायला मिळतील. चित्रपटाची कथा-पटकथा प्रा. जयप्रकाश घुमटकर यांनी लिहिली असून सवांद फलटणचे सुप्रसिद्ध लेखक प्रा.विश्वास लोणकर यांनी लिहिलेले आहेत. चीत्रपटातील गीते जगदीश खेबुडकरांची असून संगीत चंद्रविजय यांनी दिली आहे. संकलन संजय देवकर यांनी केले असून अमोल गायकवाड आणि विनोद पाटील यांनी सहाय्यक दिग्दर्शक म्हणून काम केले आहे.

रहस्यमय आणि उत्कंठावर्धक सोबतच सामाजिक जनजागृती संदेश देणारा 'भानामती' चित्रपटाला उर्वरित महाराष्ट्रातील प्रेक्षकांनी पसंतीची पावती दिली असून २३ मार्चला गुडीपाडव्याच्या मुहूर्तावर हा चित्रपट मुंबई आणि ठाणे शहरात प्रदर्शित होत आहे.