तात्या विंचू लगे रहो.. मुहूर्त संपन्न

संगमनेर येथील बॉलीवूड ड्रिम्स नावाच्या चित्रपट विषयक शाळेचा सर्वेसर्वा असलेला अमोल मुके दिग्दर्शित 'तात्या विंचू लगे रहो' या धमाल विनोदी चित्रपटाचा मुहूर्त नुकताच महाराष्ट्र राज्याचे महसूल मंत्री मा. बाळासाहेब थोरात यांच्या हस्ते संगमनेर (जि.  अहमदनगर ) येथे पार पडला. लाभंम एंटरटेनमेंट्स या निर्मिती संस्थे अंतर्गत निर्माते अमित कटारिया, राजू पारख आणि अल्पेश पारख यांच्या चित्रपटाची कथा, पटकथा, संवाद, परशुराम घुले, गीते डॉ. श्रीकांत नरुले आणि परशुराम घुले यांची आहेत, संगीत राधा चंद्र.

दिग्दर्शक अमोल मुके यांचा हा पहिलाच चित्रपट असून त्याने या चित्रपटाद्वारे अनेक स्थानिक कलावंतांना कामाची संधी मिळवून दिली आहे. लवकरच चित्रपटाचे चित्रीकरण सुरुवात होणार असून चित्रपटात संजय नार्वेकर, प्रतीक्षा जाधव, शितल पाठक,किशोर नांदलस्कर, मोनिका डबडे, यांच्या प्रमुख भूमिका असणार आहेत.