तमाशा कलावंतांना मानाचा मुजरा करण्यासाठी 'तमाशा... हाच खेळ उद्या पुन्हा'.

महाराष्ट्राच्या सांस्कृतिक जडणघडणीत लोककलेचे मोलाचे योगदान असूनही यातील कलावंतांच्या पदरी कायम उपेक्षाच आली आहे. अनेक शाहिरांनी आणि नर्तकींनी तमाशाला वैभवाला नेऊन ठेवलं आनंद फंदी, राम जोशी, होनाजी बाळा, पठ्ठे बापूराव यांच्यासारख्या शाहिरांनी आपल्या शृंगारीक लावण्यांनी मराठी मनं जिंकली आणि तमाशाला अढळ स्थान प्राप्त करुन दिलं. त्यांना मानाचा मुजरा करुन लोकरंजनासाठी झटणार्‍या तमाशा कलावंतांची कैफियत मांडणारा 'नाईन गॉडेस' निर्मित 'अनिष्का एण्टरटेण्मेंट' प्रस्तुत 'तमाशा... हाच खेळ उद्या पुन्हा' लवकरच प्रदर्शित होत आहे. चित्रपटाची कथा-विक्रम भागवत यांची असून मिलिंद पेडणेकर यांनी या चित्रपटाची पटकथा, संवाद लेखन व दिग्दर्शन अशी तिहेरी जवाबदारी पेलली आहे. 

प्रसिद्ध शाहिर कै. पठ्ठे बापूराव यांच्या लेखणीतून साकारलेल्या लावण्यांना ज्येष्ठ संगीतकार अशोक पत्की यांनी संगीत दिले आहे. कल्याणी पांडे, नंदेश उमप, अंजली नांदगावकर या गायकांनी गाय्लेल्या गीतांना दिपाली विचारे यांनी नृत्यदिग्दर्शन केले आहे.

भरत जाधव, रमेश भाटकर, प्रिया बेर्डे, वैशाली जाधव, रणजीत जोग, केतकी पालव, अनिरुद्ध देशपांडे, विवेक पवार, दिनेश धुरी, अनिरुद्ध कुणकावळेकर, देवेंद्र गमरे या कलाकारांच्या यात महत्त्वपूर्ण भूमिका आहेत.