'कर्तबगार' चित्रपटाची ध्वनीफित प्रकाशित.

एच.पी.मुव्हीज निर्मित आणि सिद्धार्थ मोरे लिखित आणि दिग्दर्शित 'कर्तबगार' एक निर्भिड व्यक्तिमत्व या चित्रपटाच्या ध्वनीफितेचा प्रकाशन सोहळा नुकताच पार पडला. ज्येष्ठ संगीतकार हृदयनाथ मंगेशकर आणि आनंद मोडक यांच्या हस्ते ध्वनीफितीचे प्रकाशन करण्यात आले. यावेळी ज्येष्ठ अभिनेत्री मधू कांबीकर, संजय मोहिते, दादा पासलकर आदि मंडळी उपस्थित होती.

या चित्रपटात राघवेंद्र गणेशपुरे आणि हर्षित अभिराज यांनी लिहिलेली चार गीते असून त्यांना हर्षित अभिराज यांनी संगीत दिले आहे. आनंद शिंदे आणि रेश्मा सोनावणे यांनी गायलेल्या गीताला विजय फराटे कंठशहनाई वादक यांच्या कंठशहनाईचा वापर केला आहे.

या चित्रपटात नागेश भोसले, मधू कांबीकर, मोहन जोशी, दादा पासलकर व मुख्य भूमिकेत संजय मोहिते आदि कलाकार दिसणार आहेत.