या चित्रपटात जॅकी श्रॉफ, आदित्य पांचोली या हिंदीतल्या सितार्यांसोबतच मराठीतील स्वरांगी मराठे, चिन्मयी सुमित, अमेय हुस्नवाडकर अशी यातील स्टारकास्ट आहे. उर्मिलाने केलेक्या आयटम साँगची कोरिओग्राफी रेमो डिसुझाने केली आहे. सुनिधी चौहानने हे गाणे गायले आहे तर प्रसिद्ध संगीतकार ए. आर. रेहमान यांचे म्युझिक ऍरेंजर संतोष मुळेकर यांनी या चित्रपटात संगीत दिले आहे. या चित्रपटात एकूण सहा गाणी आहेत.
या चित्रपटाच्या गाण्याविषयी माहिती देताना या चित्रपटाचे लेखक- दिग्दर्शक अमर गुप्ते म्हणाले की कथानकानुसार कोकण कला महोत्सव भरलेला असतो. त्याचे अध्यक्ष तात्या सावंत (जॅकी श्रॉफ) असतात. महोत्सवात बॉलिवुडची प्रसिद्ध मराठी हिरॉईन आणावी असा विचार येतो आणि त्या अनुषंगाने उर्मिलाला आणले जाते. लवकरात लवकर या चित्रपटाचे चित्रीकरण पूर्ण करुन ह्या वर्षा अखेरीस हा चित्रपट पूर्ण होणार आहे.
No comments:
Post a Comment