सिया पाटील 'वारस' या मालिकेत.

सिया  पाटील हे नाव दूरचित्रवाणीच्या क्षेत्रात अगदी नवं आहे. मात्र चित्रपट रसिकांना सिया ओळखीची आहे.  अलिकडच्या काही  चित्रपटांमधून  झळकलेली  सिया छोट्या पडद्यावर प्रथमच झळकतेय, ती  झी  मराठीवर  लवकरच दाखल  होणार्‍या 'श्री सिद्धिविनायक चित्र' च्या 'वारस' या मालिकेद्वारा. अत्यंत संवेदनशील कथा असलेल्या 'वारस' मध्ये सिया मध्यवर्ती भूमिकेत आहे. 

तिचा 'नवरा अवली बायको लवली' हा चित्रपट प्रदर्शित  झाला आहे. तसेच तिचे अजून ५ चित्रपटप्रदर्शनाच्या मार्गावर आहेत. तिने एम कॉम पर्यंत शिक्षण घेतले असून कॉलेज मध्ये असताना तिने अनेक नाटकामधून, कॉलेज फेस्टिवल्स मधून कामं केली आहेत. 

'वारस' ही आई मुलाच्या हळुवार नात्याची अतिशय  संवेदनशील कथा आहे.  येत्या ६ डिसेंबर पासून ही मालिका सोमवार ते शनिवार सायंकाळी ६.३० वाजता झी मराठीवर प्रेक्षकांच्या भेटीला येईल. 'वारस' ही 'श्री सिद्धिविनायक चित्र'ची निर्मिती असून खलील हेरेकर हे या मालिकेचे दिग्दर्शक आहेत. नरेश बोर्डे या मालिकेचे निर्माते आहेत. वारस मध्ये सियाबरोबर आदित्य वैद्य, उदय टिकेकर, मुग्धा गोडबोले, विलास उजवणे, श्रीकांत देसाई असे अनेक नावाजलेले कलाकार आहेत.