'तृतीय नेत्र' चा मुहूर्त पुण्यात संपन्न.

महात्मा जोतिराव फुले यांच्या 'तृतीय रत्न' या नाटकावर आधारित 'तृतीय नेत्र' या चित्रपटाचा मुहूर्त नुकताच पुण्यातील सासवड येथे करण्यात आला. बापूराव ओहळ यांनी मुहूर्ताचा नारळ फोडला तसेच श्रद्धा सावर्डेकर यांनी मुहूर्त क्लॅप दिला. शेतकर्‍यांच्या प्रश्नांवर आधारीत 'तृतीय नेत्र' या चित्रपटाची निर्मिती मुक्तीघोष प्रॉडक्शन हाऊस या बॅनरअंतर्गत सिद्धार्थ भालेराव यांनी केली आहे. 

'तृतीय नेत्र' या चित्रपटाची कथा व संवाद महात्मा जोतिराव फुले यांचे असून पटकथा सिद्धार्थ भलेराव यांची आहे. या चित्रपटामध्ये यतिन कार्येकर, अनुपम श्याम, लालन सारंग, डॉ. विलास उजवणे, वरद चव्हाण, ज्योति पाटील, अंजली उजवणे, प्रदीप पटवर्धन, प्रदीप रघुनाथ यांच्यासह रझा मुराद आणि शाहबाज खान यांच्या प्रमुख भूमिका आहेत.