'आम्ही चमकते तारे' चा शानदार मुहूर्त.

रमाबाई भिमराव आंबेडकर (रमाई) च्या अभूतपूर्व यशानंतर साईनाथ चित्र या बॅनरअंतर्गत 'आम्ही चमकते तारे' या चित्रपटाचा मुहूर्त गीत ध्वनीमुद्रणाद्वारे नुकताच मुंबईतील आजीवसन स्टुडिओमध्ये करण्यात आला. 

'श्वास' सारख्या लोकप्रिय चित्रपटाच्या निर्मितीमध्ये मोलाची भूमिका असणारे दिपक. एस. चौधरी प्रस्तुत या चित्रपटाचे संकलन्-दिग्दर्शन प्रकाश जाधव करणार आहेत. चित्रपटाची कथा अनंत सुतार यांची आहे. 

या चित्रपटात संगीताला विशेष प्राधान्य दिले आहे. गीतकार सागर पवार यांच्या जोडीला रवींद्र आवटे आणि प्रमोद बेजकर यांनी 'आम्ही चमकते तारे' साठी गीतलेखन केले आहे. संगीतकार आहेत श्रीरंग आरस. या चित्रपटासाठी अवधूत गुप्ते, स्वप्निल बांदोडकर, साधना सरगम, वैशाली सामंत, बेला शेंडे, आनंद शिंदे आणि संजिवनी भेलांडे या आजच्या मराठीतील आघाडीच्या गायकांनी पार्श्वगायन केले आहे.