'एक दिवसाची सुहासिनी' चित्रपटाचा मुहूर्त संपन्न......

हिना फिल्म्स, सुयोग म्युझिक फिल्म्स, प्रकाश प्रोडक्शन निर्मित 'एक दिवसाची सुहासिनी' या मराठी चित्रपटाचा मुहूर्त नुकताच मोठया दिमाखात पार पडला. धनाजी पाटील, प्रकाश पाटील, प्रदीप वाघमारे निर्मित या चित्रपटाचे दिग्दर्शन श्रीनाथ पाटील आणि स्वप्निल म्हात्रे करत आहेत. चित्रपटाचे सहनिर्माते सदाकत चौधरी, प्रदीप मोकाशी, वंदना कांबळे, राजा (भाऊ) चव्हाण आहेत.

चित्रपटाची कथा विनोद कांबळी यांची असून चित्रपटात अशोक शिंदे, जयराज नायर, मानसी पाठारे यांच्या प्रमुख भूमिका आहेत. चित्रपटाची विशेष बाब म्हणजे या मराठी चित्रपटातून हिंदी चित्रपटसृष्टीतील एक प्रसिद्ध स्टंट, पर्सनल बॉडी ट्रेनर आणि अभिनेता गेविन पुनरागमन करतोय.